Hasieran Anplitudo Modulazioan (Erdiko Ondan) emititzen zuen; lehenbizi 300 batioko indarra erabili zuen eta, gero, kilobatio bateko indarra. Cadena de Ondas Populares Españolas (COPE) organizazioko kide bat zen, gotzai jerarkiaren mendean. Bere estudioak Santutegiko bigarren solairuan zeuden eta, bere emisoregailua, Loiolako parke gainean dagoen, Erlepater mendian.

Espainan frekuentziak birdoitu zituztenean, 1965an aldi baterako itxi egin behar izan zuten. 1966an berriz sortu zen, orduan, ordea, Frekuentzia Modulazioan (FM). Bere estudioak, lehen bezala, Loiolako Santutegian zeuzkan, baina bere emisore zentroa Elosuako Itxumendira aldatu zuten. 1972an, Loiola Irratiak Donostia Herri Irratia ere bere mendean hartu zuen, COPE barruan. 1977an emisore zentroa terrorista eraso batek hankazgora bota zuen, baina hurrengo urtean berriz ere inauguratu ahal izan zuten. Orduan, ordea, 15 kv.ko emisoregailu berri bat ipini zuten 1985an.

1993an Loiola Herri Irratia eta Donostia Herri Irratia separatu egin ziren COPE'gandik.

Gaurko egunean (2003) Loiola Herri Irratiak, Donostia Herri Irratiak eta Bitoria Irratiak, kate bereko emisioan, eguneko 24 ordutara hedatzen dute euren irrati saioa, euren kateko programa jatorrekin 20 ordu bitartean, goizeko bostetatik eguerdiko ordubata arte, eta, lehengo programa batzuk ostera emititurik, eguerdiko ordubatetik goizeko bostak arte. Produktzio irurena euskeraz zabaltzen dute.

Loiola Herri Irratiak Frekuentzia Modulazioan emititzen du, 99,8 Mhz. frekuentziarekin.

Donostia Herri Irratiak Anplitudo Modulazioan (Erdiko Ondan) emititzen du, 1.224 khz. frekuentziarekin, eta Frekuentzia Modulazioan 94,8 Mhz. frekuentziarekin.

Bitoria Irratiak Frekuentzia Modulazioan emititzen du 98,0 Mhz frekuentziarekin.

Loiola Irratiak bere bulegoak Loiolako Santutegiko Egoaldeko ego beheko solairuan dauzka, eta bere estudioak ego hortako bertako erdisotoan.